Pieter Pruis, beter bekend as die “Benoni Baby”, is op 28 Oktober 2005 gebore en het in Benoni grootgeword. Hy beskryf sy kinderjare as opwindend en vol lewe. “Ek sou sê die manier waarop ek grootgemaak is, was baie konserwatief — soos in die ou dae,” vertel Pieter met ’n glimlag. “Maar ek het my kinderlewe geniet — ons het visgevang en sommer net alles gedoen wat seuns doen.”
In laerskool was Pieter ’n toegewyde rugbyspeler: kaptein van die A-span, eerste skopper, en afgerig deur sy pa. Maar sy lewenspad het ’n verrassende draai geneem toe die kooronderwyseres hom eendag genader het om vir die koor te oudisie. Hy het die Suid-Afrikaanse volkslied gesing, en die res is geskiedenis.
“Daardie dag het ek vir my pa gesê ek wil nie meer rugby speel nie, ek wil sing,” vertel hy. Kort daarna het Pieter by dieEkurhuleni Kinderkoor aangesluit en selfs saam met hulle na dieKoor-Olimpiese Spele gereis — dit is waar sy musiekloopbaan sou begin.
Teen hoërskool het Pieter reeds begin optree en gigs doen. Op net 16 het hy reedsbacking vocals vir bekende kunstenaars gedoen, onder andere virKurt Darren se treffer“Die 80’s” by Select Musiek. “Daardie ervaring het my oë oopgemaak — ek het toe geweet ek wil by ’n platemaatskappy wees. Dis waar my passie regtig begin het.”
Wat sy storie nóg merkwaardiger maak, is datniemand in sy familie musikaal is nie. “Alles het begin by daardie koor tannie in graad 6,” sê hy dankbaar.
Hoewel Pieter se voorkoms dikwels netjies en stylvol is, beskryf hy homself as ’n gewone ou wat hou vanvisvang enquad bike ry. Sy musiek is egter enigiets behalwe alledaags — ’n energieke mengsel van rou emosie en rock-geïnspireerde krag.
Sy grootste invloede lê in80’s rock met kunstenaars soosMötley Crüe enNirvana wat hom inspireer. In die Afrikaanse musiekbedryf luister hy graag naElandré enSpoegwolf.
“Ek hou daarvan dat my musiek energie het,” verduidelik hy. “Maar ek skryf ook diep songs — veral wanneer ek af voel. Dis hoe ek my emosies wys, want ek praat nie maklik daaroor nie.”
Pieter se musiek put dikwels inspirasie uitliefde — veral oor “girls wat ek nie kan kry nie,” erken hy met ’n glimlag. “Ek is maar bietjie teruggetrokke as dit by meisies kom, so ek skryf maar daaroor.”
Sy liedjies begin altyd by diewoorde. “Lirieke kom altyd eerste by my op, en op die vreemdste plekke. Ek het hierdie ding waar ek soggens voor werk by die dam gaan sit — dis gewoonlik daar waar die woorde my tref.”
Pieter het syheel eerste TikTok op3 Junie 2025 geplaas — en dit hetmeer as 72,000 kyke gekry. Bekende kunstenaars soosLogan Pietersen,Tino,Brendan Peyper,Elandré,Hendre Baard,Gian Groen,Juan Boucher, enNicholis Louw het almal op sy videos kommentaar gelewer — ’n teken dat die musiekbedryf reeds kennis van sy talent neem.
Kort daarna is Pieter op dieOntbytprogram “Goeiemore Good Morning” uitgelig as deel van ’n segment oor TikTok-sangers. Hy het so groot indruk gemaak datCoolerBox Records hom raakgesien en’n kontrak aangebied het. Pieter het later die groot nuus weer op dieselfde program gedeel — en sy dankbaarheid uitgespreek teenoor die span wat hom eerste raakgesien het.
Met sy unieke klank, opregte lirieke en natuurlike sjarme mik Pieter daarna om op diegrootste verhoë in Suid-Afrika te staan — saam met van die land se top kunstenaars.
“Ek wil hê my musiek moet ’n verskil maak in mense se lewens. As mense my liedjies saam met my sing, weet ek ek doen iets reg. Ek doen dit vir die mense — nie vir die image nie.”
Met sy sielvolle stem, rou eerlikheid en natuurlike sjarme isPieter Pruis besig om sy plek in die Afrikaanse musiekwêreld te vestig. Hy is die perfekte kombinasie van moderne energie en ou-skool opregtheid — die nuwe stem wat Afrikaanse musiek nou nodig het.
