‘n Maklike, romerige oondgereg wat perfek is vir besige weeksaande en gesinsmaaltye. Die kombinasie van sappige hoender, geurige roomkaas en pittige Arrabbiata-sous maak hierdie resep een van my gunstelinge.
Aug 1, 2026
Johan Se Gunsteling Hoenderpasta
Instruksies
- Kook die pasta in water in 'n mediumgrootte kastrol vir ongeveer 10 minute.
- Verhit die olie in 'n groot diep pan en braai die ui en fyngemaakte knoffel saam totdat dit sag en geurig is.
- Sny die hoenderfilette oop en smeer 'n dik laag Lancewood Spring Onion & Chives-roomkaas binne-in elke filet.
- Plaas die hoenderfilette by die ui-en-knoffelmengsel en braai liggies.
- Geur met sout en peper na smaak.
- Wanneer die pasta 10 minute lank gekook het, voeg die pasta saam met die oorblywende kookwater by die hoender. Versprei dit eweredig in die pan.
- Gooi die Arrabbiata-pastasous egalig oor die mengsel.
- Plaas die gereg in 'n voorverhitte oond teen 200°C vir 15 minute.
- Haal uit die oond en bedien warm.
Notas
Heerlik saam met jou gunsteling slaai Of bedien met warm, varsgebakte brood.
